နိုင်ငံဝန်ထမ်းရွေးချယ်ရာ၌ ပြည့်စုံရမည့် အင်္ဂါရပ်များ

နိုင်ငံဝန်ထမ်းရွေးချယ်ရာ၌ ပြည့်စုံရမည့် အင်္ဂါရပ်များ

တစ်နေ့ ကျွန်တော့ကို ဆရာ လှိုင်မြင့်ဦး (ကလောင် အမည်) က သတင်းစာ ဖြတ်ပိုင်းလေး တစ်ခု လာပေးတယ်၊ သူက စာရေးဆရာပီပီ သူဖတ်မိတာလေးတွေ၊ မှတ်သားသင့် တာလေးတွေ အများသူငှာဖတ်ဖို့ သူကိုယ်တိုင် Copy ကူပြီး လိုက်လိုက် ဝေလေ့ရှိတယ်.....

နောက်ပြီး ဘယ်နေရာကဘဲဖြစ်ဖြစ် ရသမျှ စာအုပ်၊ စာစောင် အကုန် ယူလာတယ်၊ ပြီးရင် သင့်တော်တဲ့ နေရာ တွေကို ပို့ပါလေရော၊ ဒီအလုပ်ကို ကျွန်တော်က ဒိုင်ခံ လုပ်ပေးရတယ်၊ သူပို့လိုက်တဲ့ နေရာတွေက ကျေးဇူးတင် လက်ခံရရှိကြောင်း များစွာ အကျိုးရှိ အထောက်အကူ ဖြစ်ပါကြောင်း စတဲ့ ပြန်ကြားစာ acknowledgement လေးတွေ ရရင်လဲ သူပီတိ ဖြစ်သလို အများသူငှာကိုလဲ ပီတိ ဖြစ်စေချင် တဲ့သူ.....

သူမဂွဇင်းတိုက် အသီးသီးကို ပို့တဲ့စာမူတွေကို ကျွန်တော်ဘဲ စာစီပေးရတယ်၊ ကျွန်တော်ကလည်း သီးခြား အချိန်ပေး စာမဖတ်နိုင်တော့ စာစီရိုက်ရင်းနဲ့ ဖတ်ရတာကို ကျေနပ်မိတယ်.....

ကဲ သူပေးတဲ့ သတင်းစာဖြတ်ပိုင်းလေးကို ဆက်ကြပါစို့ -

သူပေးတဲ့ သတင်းစာဖြတ်ပိုင်းလေးကို ကျွန်တော် ဖတ်ကြည့် လိုက်တော့ ... နိုင်ငံဝန်ထမ်းရွေးချယ်ရာ၌ ပြည့်စုံရမည့် အင်္ဂါရပ်များ ဆိုတဲ့ ခေါင်းစဉ်လေးပါ... စာဖတ်သူ အပေါင်း ဗဟုသုတ ဖြစ်စေရန် ရည်သန်လျက် အောက်တွင် ဖော်ပြလိုက်ပါတယ်.....


နိုင်ငံဝန်ထမ်းရွေးချယ်ရာ၌ ပြည့်စုံရမည့် အင်္ဂါရပ်များ


ဗုဒ္ဓမြတ်စွာဟော ကျမ်းဂန်များနှင့် နီတိကျမ်းများပါ နိုင်ငံဝန်ထမ်းများ ရွေးချယ်ခန့်ထားရာတွင် အောက်ပါအင်္ဂါရပ်များနှင့် ပြည့်စုံမှသာ နိုင်ငံတော်အတွက် ၀န်ထမ်းကောင်းများ ရရှိပြီး တိုးတက်ကြီးပွားလာမည် ဖြစ်ပါသည် -

- အကြားအမြင် ဗဟုသုတရှိခြင်း၊

- ကိုယ် နှုတ် အမူအရာ ယဉ်ကျေး၍ တင့်တယ်သော ရုပ်ဆင်း အင်္ဂါနှင့် ပြည့်စုံခြင်း၊

- ကိုယ်ကျင့်တရား ကောင်းမွန်သူဖြစ်ခြင်း၊

- ရဲရင့်သူ (ရဲစွမ်းသတ္တိရှိသူ)ဖြစ်ခြင်း၊

- ဇွဲလုံ့လ ၀ီရိယ ရှိခြင်း၊

- အမှုကိစ္ခတာဝန်ကျေအောင် ထမ်းဆောင်သူဖြစ်ခြင်း၊

- ကာယဗလ ဉာဏဗလ ဖွံ့ဖြိုးခိုင်မာခြင်း၊

- ဥစ္ခာကို မမက်မောခြင်း၊
ဤ အထက်ဖော်ပြပါ ဂုဏ်အရည်အချင်းများနှင့် ပြည့်စုံသူ တို့ကိုသာ ၀န်ထမ်းအဖြစ် ရွေးချယ်ရန်ဲမဃဒေ၀လင်္ကာသစ်ဲ အဖွင့်ကျမ်းတွင် မှတ်သားရလွယ်ကူရန် အောက်ပါအတိုင်း လင်္ကာဖြင့် ဖော်ပြထားပါသည် -

ဲ မြင်ကြားရှိခြင်း၊ အဆင်းအကျင့်

ရဲရင့်လုံ့လ၊ ကိစ္ခပြီးစီး

အားကြီးခိုင်မာ၊ ဥစ္ခာမမက်

ရှစ်ချက်အင်ကြုံ၊ ကုံလုံပြီးသူ

ထိုသည့်လူကို ကောက်ယူရွေးချယ်ပါကုန်လောဲ့
ဟု ညွှန်ပြခဲ့သည်။

ပညာအရည်အချင်း (ဉာဏဗလ) မရှိ၊ ရဲစွမ်းသတ္တိကင်း ညံ့ဖျင်းသူ၊ ဗဟုသုတနည်းပါ၍ ကိုယ်ကျင့်တရား ပျက်ပြားသူ တို့ကို အရည်အချင်းမရှိဘဲ နီးစပ်ရင်းနှီးမှုအရ ၀န်ထမ်းများ အဖြစ် ခန့်ထားမိပါက နိုင်ငံပျက်ပြားဖို့သာဖြစ်၏။ ကိုယ်နှုတ် အမူအရာ မယဉ်ကျေးသော ၀န်ထမ်းများကြောင့် အုပ်ချုပ်သူများနှင့် ပြည်သူတို့အကြား စိတ်ဝမ်းကွဲပြားမှု ပြဿနာများပင် ပေါ်လာ နိုင်၏။

ထိုကဲ့သို့သေဲာဲ လူမွှေ ယောက်ျား၊ မင်းစေမျာဲးဲ ကိဲုဲ ပြည်သူ့ မီးပွာဲးဲ ဟု ဆိုရ၏။ ဆန္ဒာဂတိလိုက်၍ဖြစ်စေ၊ တံစိုး လက်ဆောင်စား၍ ဖြစ်စေ ထိုပြည်သူ့မီးပွားတို့ကို နိုင်ငံဝန်ထမ်း များအဖြစ် အရွေးမမှားစေရန် အထူးသတိထားရပေမည်။

(သာသနာရေး)



ကျေးဇူးတင်ပါတယ်ခင်ဗျာ။