ဗေဒင်၊ ယတြာနဲ့ ကျွန်တော်

ဗေဒင်၊ ယတြာနဲ့ ကျွန်တော်

ကျွန်တော် ဒီခေါင်းစဉ်လေးအောက်မှာ ရေးချင်တာ မရေးခင် စကားချီး နိဒါန်းပျိုးပါရစေခင်ဗျာ.....

ဗေဒင် ဆိုတာကို ကျွန်တော် ယခင်က အပျော် သဘောပဲ မေးတာပါ.....ကိုယ်ကတောင် အပျော်သဘောနဲ့ တစ်ခွန်းစ နှစ်ခွန်းစ ဟောခဲ့သေး၊

ယတြာဆိုတာ ယခင်က ဘယ်တော့မှ မချေ.. ဘယ်တော့မှ မလုပ်ခဲ့..မတတ်သာတဲ့အဆုံးမှ ဆရာဘဲကြည့်လုပ်ပေးပါလို့ ပြောခဲ့တာ.....

ကျွန်တော့ အမေပြောခဲ့ဖူးတယ်.. စိန်ကဲ မြကဲသာ မခတ်တတ်ရင်နေမယ်၊ မျက်နှာကဲတော့ ခတ်တတ်တယ်တဲ့.....

ကျွန်တော်လည်း အခုတော့ လက္ခဏာ၊ ဗေဒင်၊ ကျမ်းဂန်တွေသာ မဖတ်တတ်ရင်နေမယ် မျက်နှာကဲတော့ဖတ်တတ်တယ်လို့.....

မှန်ပါတယ်... တစ်နေ့တစ်နေ့ ဒီမျက်နှာတွေဘဲကြည့်ပြီး၊ အလုပ် လုပ်ခဲ့ရတာ...လုပ်နေရတာ.....

မြင်ရ.. တွေ့ရ..ကြုံရ..ဆုံရတဲ့ မျက်နှာတွေကလည်း တစ်နေ့ တစ်မျိုး မရိုးနိုင်အောင်ဘဲပေါ့.....(အမျိုးမျိုးလုပ်ပြတတ်တဲ့ မျက်နှာပိုင်ရှင်များအားလုံးကို ကျေးဇူးတင်ပါတယ်။)

ဗေဒင် ဘာကြောင့်မေးလည်း... မေးရတဲ့ ကြောင်းခြင်းရာ... အမျိုးမျိုး ရှိကြတာ စာဖတ်သူ သိမှာပါ.....

အပျော်ဘာရယ်မဟုတ်...အပူကင်းဝေးစေဖို့...လာဘ်လာဘ ရွှင်မြူးဖို့...ဆောင်ရန်...ရှောင်ရန်... ကံဇာတာ အနိမ့် အမြင့် အစရှိသဖြင့် သိရဖို့... လိုဘပြည့် သောကငြိမ်းဝေး စေဖို့လို့ဘဲ ကျွန်တော် မှတ်ယူ ပါတယ်.....

ဒီလိုနဲ့ ..စကားချီး နိဒါန်းပျိုးတာလည်း ရှည်သွားပြီ.....

ကျွန်တော်နဲ့ ဗေဒင်

တနင်္ဂနွေသား မောင်မောင်...ငယ်နာမည် သံမဏိ (နေ့နံ မကိုက်ညီ)

နာမည် ဘယ်သူပေးသလည်း... အဖေ ပေးတာပါ...အမေ ပေးတာပါ...ဘာလို့ဒီအမည်ပေးလည်း... မသိပါဘူးခင်ဗျား...

သိုက်ဖွား၊ ဗေဒင်ကိန်းအရ လက်ရှိ ရှိနေတဲ့ အခြေအနေမျိုး မဖြစ်နိုင်...(အရက်သောက်တတ်လား) ဟုတ်ကဲ့ သောက်တတ်ပါတယ်..... (လူကိုဖျက်အရက်လို့ ဆိုလိုချင်ပုံ။)

အော်ဒီလိုနဲ့...ဟောခဲ့.. ဆိုခဲ့...တွက်ခဲ့ချက်ခဲ့တဲ့... ကျွန်တော်နဲ့ ဗေဒင်ပေါ့.....

ဗေဒင်မေးရင် ကျွန်တော် ကိုယ်တိုင် ဆရာရှေ့ထိုင်ပြီး မေးဖြစ်တာနဲပါတယ်... ဇနီးချောဘဲ ဓါတ်ပုံလေးယူသွား၊ အဖေဒီလိုဟောတယ်၊ ဒီယတြာလေး လုပ်လိုက်ပါလား... ကျွန်တော်ကလည်း အေးအေး အမေကြီးဘဲ ကြည့်လုပ် လိုက်ပါဆိုပြီး တစ်ခန်းရပ်သွား ပြန်ရောပေါ့.....

ကျွန်တော်ကိုယ်တိုင် ဗေဒင်ဆရာရှေ့မှာထိုင်ပြီး မေးပြီ

မှန်ပါတယ်...ကျွန်တော် ဗေဒင်ဆရာရှေ့ရောက်ခဲ့ပါပြီ... ဘာကြောင့် ရောက်ခဲ့သလည်း... အပူကြောင့်လား... လာဘ်လာဘကြောင့်လား......

အကြိုးကြောင့် အကြောင်းဖြစ်တယ်... ကျွန်တော် ဆက်ရေးရင် စာသံပေသံပေါက်တော့မယ်...ဗဟုသုတ မကြွယ်တော့ စာသံ ပေသံပေါက်အောင်လည်း မရေးတော့ပါဘူးဗျာ၊

ပွင့်ပွင့်လင်းလင်းပြောရရင်တော့ နိုင်ငံခြားသွားချင်လို့ ဗေဒင် မေးတာပါ.....

ဆရာက ဟောပါပြီ...ခင်ဗျား နိုင်ငံခြားသွားရမယ် (၃)လ အတွင်း သွားရမယ်...(ကျွန်တော့မိန်းမ ဆရာ့ဟောစကား ကြောင့် ပျော်သွားပုံ ရပါတယ်။) (မိန်းမဆိုတာ လျှာတော့ ရှည်သား ဆရာ ကျမတို့ရော လိုက်ရမှာလား....) မဟုတ်ဘူး တစ်ယောက်ထဲသွားရမှာ...(ကဲဘာပြောအုံးမလည်း။ မိန်းမ မျက်နှာညှိုး သွားပြီ။)

မိန်းမမျက်နှာလေး ညှိုးသွားတာ မြင်တော့ ကျွန်တော်လည်း မနေနိုင်တော့...ဆရာနဲ့ ဆွေးနွေးကြတာပေါ့... ဆရာက ခင်ဗျားဘာဘဲ ပြောပြော ခင်ဗျားတစ်ယောက်ထဲ အရင် သွားရမယ် သုံး၊ လေး လ ကြာမယ်၊ အဲဒီက ပြန်လာ ပြီးရင် ခင်ဗျားတို့ မိသားစုအတူ အ နဲ့စတဲ့ နိုင်ငံကို သွားရမယ်၊ ဒါပေမဲ့ အနှောက်အယှက်၊ အခက်အခဲ ရှိတယ်၊ ယတြာချေရမယ်... နောက် နေ့နံကျတဲ့ တနင်္ဂနွေနေ့ အခုပြောလိုက်တဲ့ကိစ္စတွေ စီမံပြီးပြန်လာခဲ့... ကဲဆိုလေပြီ.....

ပြဿနာစပါပြီ၊ ယတြာဆိုတာ ဘယ်တော့မှ မလုပ်ခဲ့တဲ့ ကျွန်တော်၊ တတွတ်တွတ် ပြောတဲ့မိန်းမ၊ နားလည်း ငြီးလှပြီ၊ လုပ်မယ်၊ မလုပ်ဘူး၊ ငါမလိုက်ဘူး၊ နင်ဘဲသွား၊ နင်မပါရင် ဘယ်ဖြစ်မလည်း၊ ရှုပ်နေပြီ...(နောက်ဆုံး)

ယတြာချေရန် ဆရာရှေ့ ကျွန်တော် ရောက်ခဲ့ရပြီ

(မှန်ပါသည်။ ဆရာဟောတဲ့အတိုင်း ကျွန်တော် တစ်ယောက်ထဲ နိုင်ငံခြားကို (၃)လခန့်သွားခဲ့ရပါသည်။ ပြန်ရောက်ပြီး (၁)လ ကျော်တွင် နိုင်ငံခြားသို့ မိသားစုနှင့်အတူ သွားရောက်ခဲ့ရ ပါသည်။)(ကျေးဇူးတင်ပါတယ်ဆရာ။)

ဒီနေရာတွင် ပြန်လည်ဖော်ပြလိုသည်မှာ ဆရာဟောခဲ့တဲ့ အနှောက်အယှက်၊ အခက်အခဲ ရှိတယ်ဆိုတဲ့စကားပင် ဖြစ်ပါတယ်။

(မှန်ပါသည်။ အနှောက်အယှက်၊ အခက်အခဲ အမှန်ပင် ကြုံတွေ့ ခဲ့ရပါသည်။ ယတြာအစွမ်းကြောင့်ရယ်ဘဲ ကျော်လွှားနိုင်ခဲ့ ခြင်းပင်လား။)

ဆရာဟောခဲ့တဲ့ အဟောနဲ့ ဆရာရဲ့ယတြာ






နောက်လဆက်ဖတ်ရန်